LIFE FLUVIAL amplía as súas redes de networking coa participación no SIBIC 2022
O pasado 21 de xuño de 2022, o proxecto LIFE FLUVIAL asistía ao Symposium Especial Networking INVASAQUA, que tiña lugar no IX Congreso Ibérico de Ictioloxía (SIBIC) de 2022, celebrado en Porto (Portugal). Os beneficiarios asociados IBADER-USC e ISAULisboa asistiron ao evento, achegando os principais resultados do proxecto en materia de eliminación e control de especies invasoras de flora en corredores fluviais Natura 2000. A achega de LIFE FLUVIAL ao evento resultou de grande interese, completando as actuacións sobre especies invasoras de fauna que achegaron o resto de proxectos que participaron:
. LIFE ÁGUEDA (LIFE16 ENV/PT/000411)
. INVASORAS.PT
. LIFE MIGRATOEBRE (LIFE13 NAT/ES/000237)
. LIFE RESQUE ALPYR (LIFE20 NAT/ES/000369)
. BIOTRANS (INTERREG)
. INVALIS (INTERREG)
As principais conclusións da mesa redonda xiraron en torno á necesidade de centrar os esforzos no control e detección temperá das especies invasoras por parte de todos os axentes implicados, a cooperación entre entidades públicas á hora de facilitar as campañas de erradicación, ou a consideración da difusión pública e a sensibilización ambiental como unha poderosa ferramenta para aumentar a concienciación da sociedade acerca dos problemas de conservación da biodiversidade que son causados polas especies invasoras.
