Xornada de voluntariado sobre retirada e concienciación de especies de flora exótica invasora (Bergondo. A Coruña)

O 1 de outubro de 2022, levouse a cabo unha xornada de voluntariado organizada pola Asociación de Desenvolvemento Rural Mariñas-Betanzos, na que se contou coa colaboración do Grupo de cooperación e voluntariado social do Concello de Bergondo, da Asociación Clube de Remo Olímpico do Mandeo en Bergondo e do Centro de Promoción da Autonomía Persoal (CPAP) en Bergondo.

Os traballos desenvolvidos tiveron lugar na praia do Pedrido (Bergondo), dentro da Zona de Especial Protección Betanzos-Mandeo (ES1110007) da Rede Natura 2000, e consistiron na recollida e retirada da planta exótica invasora Arctotheca calendula así como na limpeza de refugallos plásticos do areal.

As 33 persoas voluntarias participantes estiveron apoiadas e asesoradas en todo momento por técnicos da Reserva de Biosfera e persoal especialista en eliminación de flora invasora da empresa Ribeirán Proxectos Naturais.

Ao longo das 4 horas de duración da xornada, as voluntarias e voluntarios retiraron un total de 23 kg de residuos plásticos e 90 kg de material vexetal da especie exótica invasora Arctotheca calendula, o cal foi trasladado a un xestor de residuos autorizado.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies