Xornada de voluntariado sobre retirada e concienciación de especies de flora exótica invasora (ZEC Encoro de Abegondo-Cecebre. A Coruña)

O 7 de outubro de 2022, levouse a cabo unha xornada de voluntariado organizada pola Asociación de Desenvolvemento Rural Mariñas-Betanzos, na que se contou coa colaboración da área de Servizos Sociais do Concello de Abegondo e da Brigada de traballo adscrita á mesma.

Os traballos desenvolvidos tiveron lugar nas inmediacións da presa de Cecebre, dentro da Zona de Especial Protección Encoro de Abegondo-Cecebre (ES1110004) da Rede Natura 2000, e consistiron na recollida e retirada da planta exótica invasora Robinia pseudoacacia.

Buscábase un emprazamento que permitise levar a cabo actuacións complementarias aos propios traballos efectuados dende o proxecto LIFE Fluvial.

As 8 persoas voluntarias participantes estiveron apoiadas e asesoradas en todo momento por técnicos da Reserva de Biosfera, técnicos do Concello de Abegondo e persoal especialista en eliminación de flora invasora.

Ao remate da xornada, as voluntarias e voluntarios conseguiron retirar dous bigbag de 1 m3 cada un de material vexetal da especie exótica invasora Robinia pseudoacacia, o cal foi trasladado a un xestor de residuos autorizado.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies