Xornada de voluntariado sobre concienciación dos residuos plásticos e das especies de flora exótica invasora (Bergondo. A Coruña)

O 14 de maio de 2021, levouse a cabo unha xornada de voluntariado do proxecto LIFE Fluvial organizada pola Asociación de Desenvolvemento Rural Mariñas-Betanzos, na que se contou coa colaboración do centro escolar «CEIP Sada y sus Contornos» a través de dúas das súas clases de 6º de Educación Primaria.

Os traballos desenvolvidos tiveron lugar na praia do Pedrido (Bergondo), dentro da Zona de Especial Protección Betanzos-Mandeo (ES1110007) da Rede Natura 2000, e consistiron na recollida de residuos plásticos do areal así como na retirada da planta exótica invasora Arctotheca calendula.

Os escolares estiveron apoiados e asesorados en todo momento por profesorado do centro, técnicos da Reserva de Biosfera e persoal especialista en eliminación de flora invasora da empresa Ribeirán Proxectos Naturais.

Ao longo das 3 horas de duración da xornada, os escolares retiraron un total de 30 kg de residuos plásticos e 120 kg de material vexetal da especie exótica invasora Arctotheca calendula, o cal foi trasladado por parte da empresa TRAGSA, socia de LIFE Fluvial, a un xestor de residuos autorizado.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies