O 16 de febreiro de 2022, a Reserva de Biosfera recibiu a representantes da Xunta de Galicia para amosar os resultados do proxecto no entorno da ZEC Encoro de Abegondo-Cecebre. Acudiron a Directora Xeral de Patrimonio Natural (Consellería de Medio Ambiente, Territorio e Vivienda), Belén do Campo, o presidente de Mariñas Coruñesas, José Antonio Santiso, o vicepresidente, César Longo, e o alcalde de Cambre, Óscar García Patiño, a concelleira de Medio Ambiente, Patricia Parcero, o secretario do Comité Nacional de Reservas de Biosfera e director do Ibader, Pablo Ramil, representantes de Emalcsa, ademais de persoal técnico de varios dos socios do proxecto así como do Grupo Naturalista Hábitat.
As actuacións no encoro de Abegondo – Cecebre tentan contribuír a mitigar a expansión de especies exóticas invasoras en medios clave para a conservación da biodiversidade, actuando tanto sobre especies que lograron xa expandirse no espazo, buscando reducir os seus efectivos poboacionais, e sobre outras cuxa difusión é moito máis reducida pero non por iso menos preocupante.
Santiso explicou que foron 9 hectáreas as incluídas no LIFE Fluvial no entorno do encoro de Abegondo – Cecebre. Destacou a importancia de levar a cabo este proxecto europeo ao propiciar que “nestas zonas con importantes valores naturais predominen as especies autóctonas”.
Do Campo ensalzou o traballo “exemplar” de Mariñas Coruñesas poñendo o foco sobre os hábitats fluviais e a súa conservación.
A Directora Xeral presentou as novas liñas de axudas que lanza a Xunta tanto para Reservas de Biosfera como para os concellos incluídos nelas. Aumentan, explicou, a 3,22 millóns de euros para 2022 – 2023. Santiso agradeceu a implicación de Do Campo coa Reserva de Biosfera.
