Inícianse os traballos de restauración da acción de conservación C4 na ría de Betanzos

Inícianse os traballos de restauración da acción de conservación C4 na ría de Betanzos

A acción C4 do proxecto LIFE Fluvial ten como obxectivo a restauración de hábitats naturais no corredor fluvioestuarino da Ría de Betanzos (ZEC Betanzos-Mandeo ES1110007) ao seu paso por Bergondo.

Dende mediados da década de 1970, a marxe esquerda deste corredor foi ocupada parcialmente en dúas áreas para a instalación de equipamentos recreativos e deportivos, provocando a transformación dos hábitats naturais en áreas artificializadas, sen valor de conservación.

Tras algúns traballos preliminares levados a cabo durante o pasado ano, esta semana deron comezo as actuacións de recuperación que consisten na retirada de especies exóticas e invasoras e dos materiais dos antigos campos de tiro e de fútbol.

Representantes da Asociación de Desenvolvemento Rural Mariñas Betanzos e do Ibader (Universidade de Santiago de Compostela), ámbolos dous socios do proxecto LIFE Fluvial e asesores técnicos desta actuación, achegáronse aos enclaves de actuación para a supervisión das obras executadas por Tragsa. Os acompañaron a alcaldesa e o concelleiro de Medio Ambiente de Bergondo, tal e como recolle a prensa nas seguintes novas:

https://www.lavozdegalicia.es/noticia/coruna/bergondo/2020/08/26/limpian-antiguos-campos-tiro-futbol-miodelo-bergondo/00031598457964792536503.htm

https://www.laopinioncoruna.es/gran-coruna/2020/08/27/reserva-devuelve-marisma-terreno-ocupado/1529386.html

Trala finalización desta primeira fase das actuacións, procederase aos traballos de restauración de 2,1 ha de bosque aluvial (91E0*), mediante a repoboación con especies características da cuberta vexetal do mesmo, restituíndo a conectividade co bosque aluvial do resto do corredor fluvioestuarino.

Os traballos desenvolveranse ao longo das vindeiras semanas e está previsto que finalicen en decembro deste ano.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies